Ang aking kauna-unahang aklat na Great Sons of Magtagumpay ay malapit nang ilabas ng Cavite Studies Center ng de la Salle University, Dasmarinas. Ang aklat na ito ay tungkol sa kabayanihan ng mga dakilang anak ng Maragondon. Ang mga nakatala rito ay batay sa mga naunang aklat pangkasaysayan, mga gunita, mga pang-alaalang aklat, mga tala sa simbahan at munisipyo, at higit sa lahat, ang kuwento ng mga kaanak na napatunayang totoo sapagkat sila o ang kanilang mga magulang o mga lolo't lola ang mga saksi sa kabayanihang ipinakita ng mga magigiting na mga rebolusyunaryo ng aking bayan. Sana ang lalabas na aklat na ito ay malaki ang maitulong upang ang mga tagong kasaysayan ng aking bayang sinilangan ay maungkat mula sa mga lumang baul at magsilbing aral para sa hinaharap.
MABUHAY ANG MGA LOKAL NA KASAYSAYAN NG BAWAT BAYAN!!!
No comments:
Post a Comment